當一些事情越接近時,

情緒起伏都好大下

開心期待有時,

害怕同驚青有時,

之前都講我已拍拖7-8年了~

雙方家人都在催婚了...

本身我都好想有一頭家,我好想有自己的小朋友~

同男朋友研究得興高采烈之際,對於理財同部分觀念上~顯然有問題.

唔講呢d咁實際0既問題住,

我講返d虛無d0既野...結婚的承諾

今日突然心血來潮諗:忠心呢個問題

男仔頭0既我好明顯個人係未定下來,跳跳紮紮0既情況都幾嚴重下

雖說7-8年內我地都未試過有第三者,

但就正正因為咁~我有dd驚,雖然我又知道~感情係雙方的

正所謂一隻手係拍唔嚮0既~斬斷人地人隻手係有發出過的

(你問我咁多年有無人追,我會答無~因為一有不對路已斷佢後路,但引誘係有的)

而我地兩個又唔係果d愛到要生要死~或朋友好似咁講得出"我點都係嫁佢"

細水長流係我地一開始已有的模式,淡淡然令人舒服的~

但我到底期望唔期望一段轟轟烈烈的愛情?

其實對於愛情~我都唔知係我太理性唔會要生要死~定係未遇上一個可以令我要生要死的人?

對於身邊好多野~我都無乜幾何去得好盡~可能係因為輸唔起0既性格啦~

結婚真係好需要勇氣!!