''阿wing,你嫁比我啦''

呢一句遲來的說話~

0係出現於今晨6點左右一架正開行前往大埔的頭班75x上

發生過程如下:

女主角照常起身準備返工,

5點45分左右,女主角收到ot到天明的男主角msn:

豪:''很累呢''

w:''仲未走?你今日點算?''

豪:''無事的,你返緊工?''

w:''0岩0岩落左樓,打比我!''

站在樓下巴士站的女主角

慣常地帶起藍牙聽歌

等待着由總站開出的頭班75x

5點54分左右

女主角照常踏上第一班由九龍城碼頭5:50開出的75x

聽住歌的她上左樓上，搵緊車頭邊個位暗d可以瞓覺的時候，

後方傳來了一聲''阿wing''

女主角轉頭向樓下望，

再來一聲''阿wing''

原來係由車尾傳過黎...

佢見到男主角手執一札由阿闊多黛組成的花坐左係巴士尾...

背後的玻璃貼上了'marry me !!wing'

''阿wing,你嫁比我啦''

wow~後幾排d位仲貼上了小花...

仲有唔夠時間貼上去的汽球係男主角身邊

男主角奉上一個白色小盒,

入面係一隻絲面鑲有小鑽石的戒指

話咁快，已經到下一個站了

開始有趕返工的人上車

'快d影底佢先'

男主角拎出一部沒有閃光燈的相機

係震不停的車上拍下令人難忘的一剎

'平時趕返工就下下紅燈,今日就下下綠燈...玩野!'

係巴上作出一個咁隆重的求婚~

真係令到尚未清醒、昏昏欲睡的女主角醒晒!!!

男主角第一次送女主角返新工

大家一齊由土瓜灣搭入去大埔

在這半小時內，

車上其他人都在爭取時間瞓覺

男女主角就在細細聲的傾談整個安排的由來~

嘻嘻~

由女主角發現男主角的一刻

溫馨同甜蜜的感覺已經充滿了整架巴士

雖然是一次遲來的求婚

但其驚喜及浪漫一點都不缺~

時間上亦可說是短而精

男主角更親眼目睹女主角

因為不時要追公司車而清晨係4條行車線上飛奔

又一次的msn

w:'返到了'

豪:'呵呵~今日作戰成功我都好開心'

w:'哈哈~非戰之功!嘻好開心同好驚喜係真的！比十個叻你'

豪:'嘩哈哈哈哈'

之後大家返回工作岡位

繼續各自的奮鬥

而6隻小小阿闊同多黛就瞓左係女主角背後的櫃中，

陪佢返工了

我地的故事，係咪好浪漫？

12月5日就係我地的大日子啦！